Міжнародны дзень роднай мовы

21 лютага ва ўсім свеце адзначаецца Міжнародны дзень роднай мовы.

Беларуская мова прайшла доўгі шлях і займае сваё пачэснае месца сярод іншых моў свету.

Наша мова багатая і меладычная. Калі ў літаратурнай мове налічваецца ад 250 да 500 тысяч слоў, то ў дыялектнай - каля двух мільёнаў.

Ёсць у беларускай мовы і цікавая адметнасць, брэнд - літара “Ў” («у нескладовае»), больш ні ў адной мове свету яна не сустракаецца.

У Полацку ёсць нават унікальны помнік, прысвечаны гэтай літары.

Да Міжнароднага дня роднай мовы ў чытальнай зале навуковай бібліятэкі (аўд. 68н) падрыхтавана кніжная выстава. Запрашаем!